Maio de Letras Galegas: Terra de Xurxo Mariño

Ao longo da nosa vida, moi poucas veces nos paramos a pensar, a reflexionar en serio. O estilo de vida occidental fomenta a dispersión mental e as distraccións constantes, co estrés, as redes sociais… Pero cando estás cinco días no deserto de Kalahari, e ves as Nubes de Magalláns e pensas que iso nunca se ve en Europa, a cabeza despéxase e fas reflexións que non farías doutro xeito.

Xurxo Mariño, Entrevista en GCiencia

O neurocientífico Xurxo Mariño cóntanos en Terra, libro  que forma parte da nova colección Básicos Ciencia da editorial Xerais, a súa viaxe de once meses arredor do mundo. Deixámosvos un vídeo, que moitos de vós coñecedes, que nos achega a este marabilloso periplo polo mundo que agora xa podedes atopar escrito.

                
Para saber máis:

• Entrevista con Xurxo Mariño en GCiencia.
• Entrevista con Xurxo Mariño en A Revista FDS (TVG).