Unha historia ben bonita a de bisesto

O profesor e membro da RAG (Real Academia Galega) Xesús Ferro Ruibal explícanos a etimoloxía da palabra bisesto na sección "Pregúntalle á academia" do Portal das Palabras.

Outros enlaces de interese:

• "El cómputo del tiempo" en Proxecto Palladium (Cultura Clásica 4º)
  
• "El calendario y la medida del tiempo" en WikiDidaTICa

E non queremos deixar pasar esta data sen presentarvos un libro moi especial do dramaturgo, director escénico e guionista José Luis Alonso de Santos: El niño bisiesto.

Día de Rosalía III

Son moitas as actividades que se desenvolveron onte para lembrar a Rosalía de Castro. Deixámosvos algúns enlaces sobre estas:

• Actividades das bibliotecas escolares galegas.
• Actividades realizadas no Día de Rosalía na web da AEG (Asociación de Escritores.

Por certo, a ilustración desta entrada é obra da ilustradora Aldara Prado e forma parte das catro liberadas pola Deputación da Coruña para conmemorar esta data, o mesmo ca entrada de onte, creada por Aurora Cascudo. Se queres coñecer as outras dúas imaxes atoparalas neste enlace.

Día de Rosalía II

Este ano decidimos realizar unha selección de poemas de Rosalía, que podedes atopar neste enlace para conmemorar esta data.

A ilustración de Aurora Cascudo foi atopada aquí.

Día de Rosalía

Trocando en sonrisas 

queixiñas e choros 
 Rosalía de Castro 

Mañá, 24 de febreiro, conmemoramos o Día de Rosalía de Castro. Na web da AELG (Asociación de Escritores en Lingua Galega) podemos atopar as súas propostas para este día.

Para saber máis:

• Rosalía de Castro na BVG (Biblioteca Virtual Galega)
• Rosalía de Castro na Biblioteca Virtual Miguel de Cervantes
• Fundación Rosalía
• Actividades da AELG doutros anos 
• Día de Rosalía no blogue Alma de tinta (Biblioteca do IES Basanta Silva)

Canta, paxariño alegre,

canta!

Canta porque o millo medre,

canta!

Canta porque a luz te escoite,

canta!

Canta que fuxeu a noite.

Rosalía de Castro

Día Internacional da Lingua Materna

Onte conmemorouse o Día Internacional da Lingua Materna.  O tema deste ano é "Educación de calidade, lingua(s) de instrución e resultados da aprendizaxe.”
Para saber máis:

• "Día Internacional da Lingua Materna" en O portal da lingua galega.

• Web da UNESCO.

Día da Ciencia en Galicia 2016: Ignacio Ribas Marqués

 “Os países que non teñen ciencia son pobres, viven unha vida moral e material mediocre.

Ignacio Ribas Marqués

O químico Ignacio Ribas Marqués (Palma de Mallorca, 1901- Santiago de Compostela, 1996) será homenaxeado este ano no Día da Ciencia en Galicia, conmemoración promovida pola Real Academia Galega de Ciencias. Ribas Marqués, catedrático de Química orgánica e Bioquímica na Universidade de Santiago de Compostela dende 1942, centrou as súas investigacións en Galicia  na síntese de produtos naturais presentes en especies vexetais autóctonas como a xesta ou o sobreiro. Bautizou algunhas das  subtancias que descubriu nas súas investigacións cos nomes de cidades galegas: orensina, coruñesina, santiaguina e pontevendrina. 

Para saber máis:

• Mato Domínguez, Alfonso ([2014], “Ignacio Ribas Marqués”, en Álbum da Ciencia. Culturagalega.org. Consello da Cultura Galega.
•  "O Día da Ciencia en Galicia homenaxea ao químico Ignacio Ribas" en GCiencia. 
• "Día da ciencia en Galicia 2016. Ignacio Ribas" en Real Academia Galega de Ciencias.

Imaxe atopada en GCiencia. 

Einstein tiña razón... unha vez máis

Ao longo da semana pasada moitos de vós seguramente escoitariades ou leriades esta afirmación: "Einstein tiña razón". Neste caso aludíase ao feito de que o Observatorio de Interferometría Láser de Ondas Gravitacionales de Estados Unidos (LIGO) conseguiu captar as ondas gravitacionais que Albert Eintein predixo en 1916.

• "As ondas gravitacionais explicadas" para principiantes en GCiencia
• "¿Que son las ondas gravitacionales" en El País (12 de febreiro de 2016)

Chanfaina Lab

Un ano máis San Sadurniño celebrou o encontro audiovisual Chanfaina Lab. Proxectáronse 21 curtas cun fío común: San Sadurniño. Se queres saber máis en Fálame de San Sadurniño atoparás toda a información.

Parabéns pola iniciativa e o éxito!

VII centenario de Ramón Llull

A Biblioteca Nacional de España lembra ao escritor, filósofo e teólogo mallorquín Ramón Llull (1235-1315) cunha exposición chamada " Escribir un libro, el mejor del mundo. 700 años de Ramón Llull en la BNE".

Llull, sen ningunha dúbida un dos máis importantes escritores da literatura medieval en catalán, escribiu tamén en árabe en latín.

Para saber máis:

• "Quien es Ramón Llull? en Centre de Documentació Ramón Llull
• 700 años de Lllul en la BNE
• "Escribir un libro, el mejor del mundo. 700 años de Ramón Llull en la BNE"en Leer.es

Antroponimia

Sabemos que este é un tema que vos interesa e xa temos escrito sobre el; por iso, hoxe deixámosvos un enlace coa axencia Europa Press sobre os nomes e apelidos máis habituais en España. Se queredes saber máis, agardámosvos onde o mundo se chama biblioteca ou ben podedes consultar a Estatística do Padrón Contínuo do Instituto Nacional de Estadística.

Polo demais, deixámosvos un fermoso poema "antroponímico": "Xaneiro, 1972". Deste poema, que Celso Emilio Ferreiro lle dedicou á súa dona, fixéronse numerosas versións musicais.

Cando quero vivir
digo Moraima.
Digo Moraima
cando semento a esperanza.
Digo Moraima
e ponse azul a alba.

Cando quero soñar
digo Moraima.
Digo Moraima
cando a noite é pechada.
Digo Moraima
e ponse a luz en marcha.

Cando quero chorar
digo Moraima.
Digo Moraima
cando a anguria me abafa.
Digo Moraima
e ponse a mar en calma.

Cando quero surrir
digo Moraima.
Digo Moraima
cando a mañá é crara.
Digo Moraima
e ponse a tarde mansa.

Cando quero morrer
non digo nada.
E mátame o silencio
de non decir Moraima.

Celso Emilio Ferreiro, Onde o mundo se chama Celanova

Se queredes escoitar a versión que realizou a cantante María do Ceo premede aquí e se queredes coñecer outras versións atoparédalas en Son de poetas.

Día Mundial da Radio

O 19 de outubro de 2011 a Conferencia Xeral da UNESCO proclamou o 13 de febreiro Día Mundial da Radio. Este ano o tema é: "A radio en tempos de desastre e emerxencia".

Nós unímonos a esta conmemoración cuns poucos enlaces de interese sobre esta data e parabenizando aos responsables da nosa radio: Radio Sansa.

• Sitio Oficial UNESCO Día Mundial da Radio
• "Quince ideas para celebrar el Día Mundial de la Radio" en Día Mundial de la Radio (UNESCO) 
• Ponte nas ondas

O Entroido: unha viaxe no tempo

Ricardo Polín recolle no seu libro Álbum de Galiza (estampas da nosa tribo) un interesante texto sobre o Entroido publicado polo Fidalgo de Monterrey, seudónimo de José Alonso Obregón, na súa obra Na miña aldea (1928). 

Quince días antes do entroido xa os rapaces non durmían soñando co entroido; i algún había tan louco polo entroido que ala pola alta noite saía á solaina berrando: ¡¡ Eí ven o entroido!! (...)

Así que sintían as chocas aformigábaselles a sangre nos corpos e todos a unha botaban a correr a carón donde ias sintían: ó ve-los piliqueiros, insultábanos e currían diante deles astra que se cansasen ou os piliqueiros lles disen unha zamarrada ou pilicada. (...)

E como niste mundo todo se acaba, no martes ó escurecer acabouse o antroido. ¡Era de ver que caras máis tristes puñan os mozos por ver marcha-lo entroido! Eu creo que se algún tiña a cara alegre era pensando no entroido que había de vir.

Malia o paso dos anos o Entroido sobrevive e aí están os peliqueiros, os cigarróns, as pantallas, os boteiros, o oso de Salcedo, o loro Ravachol... 
Para saber máis sobre os personaxes do Entroido:

• "Sete personaxes de Entroido" no Portal das Palabras 
• "Para saber máis" na web da Coordinadora Galega de Equipos de Normalización e Dinamización Lingüística

 Imaxe atopada aquí.

Un ano máis de Entroido

 ¡E víndeo ver!
¡E víndeo ver!
O vello Entroido
que está teso e doído
ó pé do carballo,
sentado nun tallo
¡sen ter que facer!
¡E víndeo ver!
¡E víndeo ver!

Antonio María de la Iglesia

Pois si, un ano máis o Entroido chegou anunciándonos a primavera que aínda tardará un pouquiño en chegar.  Así que, preparémonos para uns días de festa ata que rematen estes días de máscaras, filloas, orellas... Entón, sempre poderemos cantar ou cando menos lembrar a cantiga popular aquela que di:

Adeus martes de entroido,
 adeus, meu amiguiño,  
ata domingo de pascua
 non comerei máis touciño.
Adios, martes de antroido,
adios meu queiridíño
ata o domingo de pascua
non volvo untar o fuciño.

•  Entroido (Coordinadora galega de ENLD)
• Entroido. Recursos educativos. O recanto de Mik
• O Entroido en  Bibliosansa

 

Goya, El entierro de la sardina

Día da Ilustración VII: El herbario de las hadas

El herbario de las hadas,  de Benjamin Lacombe e Sébastien Perez, é un álbum ilustrado impregnado de maxia e misterio en cada páxina.

Día da Ilustración VI: Brancaneves vista por Lacombe

A principios do século XIX os irmáns Grimm, Jacob e Wilhem, recompilaron a versión alemá dun conto popular coñecido en moitos lugares de Europa: "Brancaneves". En 2010 o talentoso ilustrador francés Benjamin Lacombe publicou a súa versión do popular conto.

Día Escolar da Non Violencia e da Paz II

Lembrade que a exposición de fondos sobre a paz estará á vosa disposición ao longo desta semana e da vindeira na sala de secundaria.