Agustín Fernández Paz, un dos nosos máis afamados, queridos e traducidos escritores recibirá o vindeiro 5 de xuño o Premio dos Clubs de Lectura 2015.
As flores radiactivas, Trece anos de Branca, Contos por palabras, Corredores de sombras, Noite de voraces sombras, O único que queda é o amor, Lúa do Senegal, Fantasmas de luz... Tantos libros tan queridos por todos nós!
En O rastro que deixamos, un libro de "rastros" autobiográficos que nos permiten asomarnos á súa vida e obra, Agustín lembra unhas palabras súas dunha conferencia en Xixón:
Aínda que cando escribo abordo os temas que me interesan ou me preocupan, aínda que constrúo as miñas historias con materiais tomados do que pasa ao meu redor, non podo esquecer que todos os fíos cos que acabo compoñendo os relatos teñen a súa orixe na miña infancia. Non contos que escoitei, nos libros e tebeos que lin, nas películas que vin nunhas salas de cine que xa non existen, nos xogos das tardes de inverno e en todas as aventuras daqueles veráns luminosos e eternos. Todo está alí, nas paisaxes gardadas da memoria.
Para saber máis sobre el:
- Páxina web oficial sobre Agustín
- Páxina sobre o autor
- Ficha do autor na AELG
- Agustín Fernández Paz na Biblioteca Virtual Galega
- Agustín Fernández Paz en Biblioteca Virtual Miguel de Cervantes
- Biblioteca "Agustín Fernández Paz" do CEIP A Maía Bertamiráns
- Agustín Fernández Paz na revista Babar
Por certo, Agustín vén de publicar dous libros: Amizades secretas e A neve interminable.
E xa para rematar, lembrar que a imaxe de Agustín neno atopámola aquí.
No hay comentarios:
Publicar un comentario
Nota: solo los miembros de este blog pueden publicar comentarios.