Actividades moi interesantes das bibliotecas

Vimos de ler que máis dun milleiro de alumnos e alumnas de Tui participou na V edición do Tui le, organizado conxuntamente pola Biblioteca Pública e as bibliotecas escolares dos centros educativos desta localidade. No blogue da biblioteca do IES San Paio e no do CEIP Plurilingüe de Guillarei podemos atopar información sobre esta actividade que, nesta ocasión, se desenvolveu no claustro gótico da catedral tudense.

Por outra banda, o pasado día 5 de abril celebrouse a XXIII entrega dos Premios da Irmandade do Libro e entre os galardoados figura o CPI Manuel Suárez Marquier do concello pontevedrés do Rosal.

Mentres, no IES Poeta Díaz Castro de Guitiriz seguen preparando o Día das Letras Galegas e deixándonos interesantes materiais coma a canción "Esa lus".



E non podemos esquecer as interesantes propostas lectoras primaveiras que nos chegan dende outras bibliotecas escolares e que poderás atopar premendo aquí.
Parabéns a todos por tan interesantes actividades!