Centro

jueves, 22 de junio de 2017

E non deixamos a Verne aínda: Cando Verme amarrou en Vigo


Un arquéologo e un mociño tratan de impedir o saqueo dos galeóns de Rande. E para cumprir o seu propósito mesmo pedirán axuda ao escritor francés Jules Verne, quen vén de recalar en Vigo nunha das súas viaxes a bordo da goleta  Saint-Michel.



Para saber máis:

martes, 20 de junio de 2017

E seguimos con Verne: Nemo o rapaz sen nome

E quen foi Nemo? Porque Verne non nos acabou de contar cal fora a súa historia, de feito, só nos suxería o seu pasado. O escritor e xornalista italiano Davide Morosinotto narra a historia do enigmático mociño que despois sería capitán do Nautilus na súa novela Nemo o rapaz sen nome. Así que, viaxemos da súa man ao ano 1829 cando un coche de cabalos recolle a un rapaz alto e moi fraco no porto de Le Havre para trasladalo a un colexio nas aforas de Paris... 


lunes, 19 de junio de 2017

Verne, Vigo e Sanjurjo Badía

Se quedastes con ganas de saber máis sobre Verne e Sanjurjo Badía, o documental Xulio Verne, tres homes e un destino, emitido pola TV, pódevos axudar e tamén ensinarvos a investigar. Premede aquí se queredes velo. 

Jules Verne fotografiado por Félix Nadar

viernes, 16 de junio de 2017

Verne e Vigo



Jules Verne visitou Vigo en dúas ocasións: en 1878 e 1884. Porén, o escritor francés xa convertera a cidade olívica nun dos espazos presentes na súa novela Vinte mil leguas de viaxe submarina. O historiador Eduardo Rolland datou a chegada do Nautilus, o submarino no que viaxaba polos mares de todo o mundo o Capitán Nemo (protagonista da novela), un 18 de febreiro de 1868 nun artigo publicado en La Voz de Galicia que se titula "El Nautilus llega a Vigo".


jueves, 15 de junio de 2017

Sanjurjo Badía

Un dos personaxes que ten moita importancia no desenvolvemento da novela Jules Verne e a vida secreta das mulleres planta de Ledicia Costas é o inventor Antonio Sanjurjo Badía, quen deseñou e construíu un pequeno submarino, que el chamaba boia submarina, en 1898. Cal será a relación de Sanjurjo Badía e o seu submarino cos protagonistas da novela?



             
Para saber máis:

miércoles, 14 de junio de 2017

Libros que van chegando: Hola, mundo, ¿cómo estás?


Hola, mundo, ¿cómo estás? é un libro para aprender, para coñecer o mundo, para valorar a amizade... Pero sobre todo é o proxecto de Toby, quen con cinco anos decidiu enviar cartas a todos os países do mundo. Así e coa axuda da súa nai e das persoas coas que contactou puido coñecer mellor a enorme diversidade deste planeta noso.

martes, 13 de junio de 2017

Libros que van chegando: Toca el piano: interpreta a Bach en seis semanas


Pois si, James Rhodes proponnos algo tan atrevido coma o que indica o título deste libro, pero lembra que tal e coma o autor nos sinala na introdución:

Voy a ser sincero: con este libro no vas a conseguir tocar conciertos de Rajmáninov ni sonatas de Chopin. Si despues de esto quieres seguir avanzando hasta el siguiente nivel, tendrás que buscarte un profesor y empezar a estudiar de forma algo más profunda.


 Quen por certo tamén nos lembra algo de moito interese:

Las últimas investigaciones (de Susah Hallam, profesora de Educación en el University College de Londres) demuestran que aprender a tocar un instrumento mejora la disciplina, la confianza en uno mismo, la concentración, la aptitud para resolver problemas, el lenguaje, la capacidad de analizar textos, el pensamiento matemático y el bienestar personal.